darashan do ghanashyam naath mori, ankhiyan pyaasi re
man mandir ki jyoti jagaado, ghat ghat basi re
mandir mandir murat teri
phir bhi naa dikhe surat teri
yug bite naa aai milan ki
puranamasi re
dwaar dayaa kaa jab tu khole
pancham sur mein gungaa bole
andhaa dekhe langadaa chal kar
pahunche kasi re
paani pi kar pyaas bujhaun
nainon ko kaise samajhaaun
aankh michauli chhodo ab
man ke basi re
No comments:
Post a Comment